To a Mouse

Rate this poem

Written by: Robert Burns

Wee, sleekit, cowrin, tim'rous beastie,
O, what a panic's in thy breastie!
Thou need na start awa sae hasty,
Wi' bickering brattle!
I wad be laith to rin an' chase thee,
Wi' murd'ring pattle!

I'm truly sorry Man's dominion
Has broken Nature's social union,
An' justifies that ill opinion,
Which makes thee startle,
At me, thy poor, earth-born companion,
An' fellow-mortal!

I doubt na, whyles, but thou may thieve;
What then? poor beastie, thou maun live!
A daimen-icker in a thrave
'S a sma' request:
I'll get a blessin wi' the lave,
An' never miss't!

Thy wee-bit housie, too, in ruin!
It's silly wa's the win's are strewin!
An' naething, now, to big a new ane,
O' foggage green!
An' bleak December's winds ensuin,
Baith snell an' keen!

Thou saw the fields laid bare an' waste,
An' weary Winter comin fast,
An' cozie here, beneath the blast,
Thou thought to dwell,
Till crash! the cruel coulter past
Out thro' thy cell.

That wee-bit heap o' leaves an' stibble,
Has cost thee monie a weary nibble!
Now thou's turn'd out, for a' thy trouble,
But house or hald,
To thole the Winter's sleety dribble,
An' cranreuch cauld!

But, Mousie, thou art no thy lane,
In proving foresight may be vain:
The best-laid schemes o' Mice an' Men
Gang aft a-gley,
An' lea'e us nought but grief an' pain,
For promis'd joy!

Still thou art blest, compar'd wi' me!
The present only toucheth thee:
But, Och! I backward cast my e'e,
On prospects drear!
An' forward, tho' I canna see,
I guess an' fear!

About the poem

Burns wrote To a Mouse in November 1785 at Mossgiel Farm, after his plough tore open the nest a field mouse had made for the winter. The longer title Burns gave it names that month and describes the mouse being turned out of her nest by the plough. It first appeared in print in the Kilmarnock edition of his poems in 1786; the text here follows the Edinburgh edition of 1787. He apologises to the mouse for the harm people do to nature, then ends by envying it, since it lives only in the present while he looks back with regret and forward with dread. The seventh verse, about the best-laid schemes of mice and men, supplied John Steinbeck with the name of his 1937 novel, Of Mice and Men. In a VisitScotland survey of 1,000 Scots published in January 2023 it was named their favourite Scots poem, and it is a regular choice for the readings at a Burns supper.

Scots words: sleekit, sleek; brattle, a hurried scamper; pattle, a plough scraper; daimen icker, an odd ear of corn; lave, the rest; snell, biting; thole, endure; cranreuch, hoar frost; a-gley, off course.

Rate this poem

No ratings yet. Be the first to rate it.

Similar songs

N
Hickory Dickory Dock
Nursery Rhymes · 14 Nov 2026