Address to a Haggis

Rate this poem

Written by: Robert Burns

Fair fa' your honest, sonsie face,
Great Chieftain o' the Puddin-race!
Aboon them a' ye tak your place,
Painch, tripe, or thairm:
Weel are ye wordy of a grace
As lang's my arm.

The groaning trencher there ye fill,
Your hurdies like a distant hill,
Your pin wad help to mend a mill
In time o' need,
While thro' your pores the dews distil
Like amber bead.

His knife see Rustic-labour dight,
An' cut you up wi' ready slight,
Trenching your gushing entrails bright
Like onie ditch;
And then, O what a glorious sight,
Warm-reekin, rich!

Then, horn for horn they stretch an' strive,
Deil tak the hindmost, on they drive,
Till a' their weel-swall'd kytes belyve
Are bent like drums;
Then auld Guidman, maist like to rive,
Bethankit hums.

Is there that owre his French ragout,
Or olio that wad staw a sow,
Or fricassee wad mak her spew
Wi' perfect sconner,
Looks down wi' sneering, scornfu' view
On sic a dinner?

Poor devil! see him owre his trash,
As feckless as a wither'd rash,
His spindle shank a guid whip-lash,
His nieve a nit;
Thro' bluidy flood or field to dash,
O how unfit!

But mark the Rustic, haggis-fed,
The trembling earth resounds his tread,
Clap in his walie nieve a blade,
He'll mak it whissle;
An' legs, an' arms, an' heads will sned,
Like taps o' thrissle.

Ye Pow'rs wha mak mankind your care,
And dish them out their bill o' fare,
Auld Scotland wants nae skinking ware
That jaups in luggies;
But, if ye wish her gratefu' pray'r,
Gie her a Haggis!

About the poem

Burns wrote this mock-heroic tribute to the haggis in 1786. It appeared in the Caledonian Mercury newspaper that December, and in 1787 it went into the Edinburgh edition of his Poems, Chiefly in the Scottish Dialect, which is the text given here. Across eight verses the humble pudding beats fashionable French cooking, and the haggis-fed labourer is shown as a far better fighter than the man who sneers at it. The poem has belonged to the Burns supper from the very first one, held by his friends at Burns Cottage in Alloway in 1801. Today the haggis is carried in behind a piper. The reader draws a knife at "His knife see Rustic-labour dight", slits the haggis open on the following line and finishes the poem, and then everyone drinks a toast to the haggis.

Scots words: sonsie, cheerful and pleasant-looking; painch, stomach; thairm, guts; hurdies, hips or buttocks; belyve, before long; kytes, bellies; sconner, disgust; nieve, fist; sned, lop off; jaups, splashes; luggies, small wooden bowls with handles.

Rate this poem

No ratings yet. Be the first to rate it.

Similar songs

Artwork for “Us Three” by Charlotte Lawrence 2
Us Three
Charlotte Lawrence · 30 Apr 2025
Yard Sale
Alex Warren · 13 Mar 2025
Impulse Purchase
OK Go · 18 Apr 2025
2 Die 4
Addison Rae · 13 Mar 2025