Auld Lang Syne Lyrics

Rate this song

Written by: Robert Burns Music by: Traditional

Should auld acquaintance be forgot,
And never brought to mind?
Should auld acquaintance be forgot,
And auld lang syne!

For auld lang syne, my jo,
For auld lang syne,
We'll tak a cup o' kindness yet,
For auld lang syne.

And surely ye'll be your pint stowp!
And surely I'll be mine!
And we'll tak a cup o' kindness yet,
For auld lang syne.

For auld lang syne, my jo,
For auld lang syne,
We'll tak a cup o' kindness yet,
For auld lang syne.

We twa hae run about the braes,
And pou'd the gowan fine;
But we've wander'd mony a weary fitt,
Sin' auld lang syne.

For auld lang syne, my jo,
For auld lang syne,
We'll tak a cup o' kindness yet,
For auld lang syne.

We twa hae paidl'd in the burn,
Frae morning sun till dine;
But seas between us braid hae roar'd
Sin' auld lang syne.

For auld lang syne, my jo,
For auld lang syne,
We'll tak a cup o' kindness yet,
For auld lang syne.

And there's a hand, my trusty fiere!
And gie's a hand o' thine!
And we'll tak a right gude-willie-waught,
For auld lang syne.

For auld lang syne, my jo,
For auld lang syne,
We'll tak a cup o' kindness yet,
For auld lang syne.

About the song

Robert Burns sent this song to his patron Frances Dunlop in 1788, calling it an old song, and later told George Thomson he had written it down as an old man sang it; he very likely reshaped it himself. It was first printed in 1796, the year Burns died, in James Johnson's Scots Musical Museum. The title means roughly "times long past", and the song asks whether old friends should be forgotten. At midnight on Hogmanay people stand in a circle, holding hands with arms crossed, to sing it. Most stop after the first verse and the chorus, although the full song has five verses, all printed here in Burns's Scots.

Rate this song

No ratings yet. Be the first to rate it.

Similar songs

P
Address to a Haggis
Poems · 12 Nov 2026